වැව හා සම්බන්ධව සිදුකරන පූජා චාරිත්‍ර
දිවුලපැලැස්සේ රතනවංශ හිමි ගෞරව ශාස්ත්‍රවේදී (පුරාවිද්‍යා) ශ්‍රී ලංකා භික්ෂු විශ්වවිද්‍යාලය අනුරාධපුර vendrathanawansha@gmail.com කෘෂිකාර්මික ජන ජීවිතයේ වැව හා ගැමියා අතර ඇත්තේ අත්‍යන්තර බැඳීමකි. සෑම වැවකටම ජලය ලැබෙන වර්ෂාව ක්‍රමිකව සිදු නොවී ය. කෙත් වතු සාරවත් කර ගැනීම හා ස්වභාව ධර්මයෙන් සිදුවන විපත් වලින් ආරක්ෂා වීමට වැව මූලික කර ගනිමින් දෙවියන්ට පුද පූජා පවත්වනු ලැබේ. කෘෂිකර්මාන්තය සශ්‍රීකවත් කරගැනීමේ අරමුණෙන් ගුප්ත බලවේග විශ්වාසයෙන්ම පමණක් අභිචාර විධි අනුගමනය කළාද? වර්තමානයේ දුරස් වෙමින් පවතින ශ්‍රී ලාංකේය කෘෂිකාර්මික ජන සංස්කෘතියේ වැව මූලික කරගත් අභිචාර විධි පිළිබඳ ග්‍රන්ථ සංධාරයෙන් හා ප්‍රායෝගික කෙෂත්‍ර අධ්‍යයනයෙන් දත්ත විශ්ලේෂණය සිදු කරන ලදි. වැව මූලික කරගත් පූජාවන් පිළිබඳ සඳහන් වන පැරණිම පුවත වාර්තා වන්නේ මහාවංසයෙනි. ඒ පණ්ඩුකාභය රාජ්‍ය සමයට අදාළවයි. අභය වැව යට භාගයෙහි විසූ චිත්‍රරාජ යක්ෂයා (චිත්‍රරාජයා හා සම අස්නෙහි සිටිමින් රජතුමා දිබ්බ මානුෂ නැටුම් නරඹමින් රති ක්‍රීඩාවෙන් යුක්තව සිත් ඇලවී) සම්බන්ධ පූජාවන් පිළිබඳව සඳහන් වේ. වැව හා සම්බන්ධ පූජාකර්ම අතර ප්‍රධාන වන්නේ අ...